Plantun de Prouvènço

Pèr coumpara dos planto d'encò nostre

Gentiana pneumonanthe & Hyssopus officinalis subsp. officinalis

Gentiana pneumonanthe

Gentianaceae

Nom en français : Gentiane des marais.

Descripcioun :
La genciano-de-palun trachis dins li palun tourbous e li champino umido. Douno de gràndi flour bluio, porto de fueio estrecho en long (< 8 mm de larg) à uno souleto costo e a ges de fueio basalo. La planto èi proutejido sus listo roujo, categourìo LC, es à dire soucit minour.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 60 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Gentiana
Famiho : Gentianaceae

Ordre : Gentianales

Coulour de la flour : Bluio
Petalo : 5
Ø (o loungour) flour : 2 à 3 cm
Flourido : Estiéu

Sòu : Si
Autour basso e auto : 0 à 2200 m
Aparado : Noun
Jun à setèmbre

Liò : Palun tourbous - Champino umido
Estànci : Mesoumediterran à Mountagnard
Couroulougi : Éurasiatico
Ref. sc. : Gentiana pneumonanthe L., 1742

Isop

Hyssopus officinalis subsp. officinalis

Lamiaceae Labiaceae

Àutri noum : Mariarmo, Magermo, Maiarmo, Meirarmo.

Noms en français : Hysope, Hysope officinale.

Descripcioun :
L'isop es uno pichoto planto lignouso à la baso e redoulento, que trachis en mato dins li relarg secarous de colo e basso mountagno. La subsp. officinalis, la mai courènto, porto de fueio sènso péu e un pau longo. La flour èi d'un poulit blu en generau proun founça. Regarda la subps. canescens que trachis en Crau.

Usanço :
Es uno bono erbo de la cousino pèr apoundre de goust, autambèn pèr n'en faire de tisano o d'aigarden. Poudès acampa li fueio pèr n'en bouta dins l'ensalado champanello. Ei peréu uno planto vertuouso contro lou tussi, li proublèmo de digestioun e li fèbre.

Port : Erbo
Taio : Pancaro entresigna
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Hyssopus
Famiho : Lamiaceae
Famiho classico : Labiaceae

Coulour de la flour : Bluio
Petalo : irreguliero
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Remarco : Ensalado champanello

Liò : Colo - Roucaio - Basso mountagno
Estànci : Subremediterran à Subaupen
Couroulougi : Pancaro entresigna
Ref. sc. : Hyssopus officinalis subsp. officinalis L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

ges

Gentiana pneumonanthe & Hyssopus officinalis subsp. officinalis

ges

Coumpara Genciano(-de-palun) emé uno autro planto

Coumpara Isop emé uno autro planto